Թբիլիսիի քաղաքապետարանը մի շարք կարևոր աջակցության միջոցառումներ է իրականացրել ուկրաինացի ժողովրդին ինչպես տեղական, այնպես էլ միջազգային մակարդակով,- մեկնաբանել է Թբիլիսիի քաղաքային խորհրդի նախագահ Գիորգի Տղեմալաձեն Վրաստանում Ուկրաինայի գործերի ժամանակավոր ներկայացուցչի հայտարարությունը։

Ինչ վերաբերում է ուկրաինացի հերոսների անունով փողոցի անվանակոչմանը, ապա, ըստ քաղխորհրդի նախագահի, առաջիկա ամիսներին պետք է ավարտվի Վրաստանում Ուկրաինայի դեսպանի նշանակման ընթացակարգը, ինչը էապես կնպաստի հարաբերությունների կարգավորմանը։

«Դեսպանի նշանակումից հետո մենք պատրաստ ենք քննարկել ցանկացած հարց եւ ընդունել այնպիսի որոշումներ, որոնք հարմար կլինեն մեր երկու երկրների հարաբերություններին»,- ասել է Գիորգի Տղեմալաձեն։

Վրաստանում Ուկրաինայի գործերի ժամանակավոր ներկայացուցիչ Անդրեյ Կասյանովն ասել է. «Մենք պաշտոնական պատասխան չենք ստացել Թբիլիսիի քաղաքային խորհրդի նախագահից Ուկրաինայի ինքնիշխանության և անկախության համար պայքարող հերոսների արիությունը տոնելու կրկնակի պաշտոնական կոչին։