Գիորգի Ջինճարաձեն հանդիպել է Աբխազիայից տեղահանված երիտասարդների հետ
Աբխազիայի ինքնավար հանրապետության կառավարության նախագահ Գիորգի Ջինճարաձեն Թբիլիսիի Իլորիի Սուրբ Գևորգի եկեղեցու կիրակնօրյա դպրոցի աշակերտներին ներկայացրեց այն ծրագրերը, որոնք Աբխազիայի կառավարությունը իրականացնում է Աբխազիայից տեղահանված երիտասարդների համար տարբեր ուղղություններով։
Կառավարության նախագահը և Իլորիի եկեղեցու հոգևոր հովիվ, հայր Լևան Ջանաշիան խոսեցին երիտասարդների աջակցության կարևորության մասին և ընդգծեցին, որ անհրաժեշտ է մեծացնել երիտասարդների մասնակցությունը կառավարության և նրա նախարարությունների տարբեր ծրագրերում, զարգացնել և խրախուսել նրանց նախաձեռնությունները։
Հանդիպմանը ներկա էին Աբխազիայի կրթության և մշակույթի նախարար Բեքա Ղվաչլիանին և արդարադատության ու քաղաքացիական ինտեգրման նախարար Ալիոնա Չխոտուան։
Կառավարության ներկայացուցիչները շեշտեցին, որ ապագա սերունդը կարևոր դեր ունի երկրի հզորացման և ազգային միասնության գործում, ուստի երիտասարդների համար կրթական, մշակութային և ինտեգրացիոն ծրագրերի խթանումը մնում է կառավարության գլխավոր առաջնահերթություններից մեկը։
«Մեզ համար առաջնահերթ է երիտասարդներին աջակցող ծրագրերի իրականացումը, քանի որ այս սերունդը մեր երկրի հիմնական հենարանն է և հաջող ապագայի հիմքը։ Հենց այս պատճառով, Աբխազիայի կառավարության անդամների՝ կրթության և մշակույթի, ինչպես նաև արդարադատության և քաղաքացիական ինտեգրման նախարարների հետ միասին, ես հանդիպեցի Աբխազիայից ժամանակավորապես տեղահանված երիտասարդներին, որոնց հետ խոսեցի այն հնարավորությունների և ծրագրերի մասին, որոնք Աբխազիայի կառավարությունը, իր ենթակա նախարարությունների հետ միասին, առաջարկում է տեղահանված երիտասարդներին», – նշել է Գիորգի Ջինճարաձեն։
Տեղեկությունը տարածել է Աբխազիայի ինքնավար հանրապետության կառավարության մամուլի ծառայությունը։