Գիորգի Ջինչարաձե. Մենք 33-րդ Նոր տարին նշում ենք մեր տներից հեռու, բայց մեզ միավորում է այն անսասան հավատը, որ կվերադառնանք Աբխազիա
33-րդ Նոր տարին դիմավորում ենք մեր տներից հեռու, սակայն միավորված ենք այն ամուր հավատով, որ կվերականգնենք բոլոր փլված կամուրջները և կվերադառնանք Աբխազիա, — ասվում է Աբխազիայի ինքնավար հանրապետության կառավարության ղեկավար Գիորգի Ջինճարաձեի ամանորյա տեսաուղերձում։
Գիորգի Ջինճարաձեն Նոր տարին շնորհավորում է բոլորին, հատկապես՝ տեղահանվածներին և օկուպացված տարածքներում ապրող բնակչությանը։
«Իմ սիրելի հայրենակիցներ, շնորհավորում եմ 2026 թվականի Նոր տարին։ Թող գալիք տարին մեր երկրի համար դառնա հույսի, հավատքի, միասնության և բարեկեցության տարին։
Հատուկ ջերմությամբ շնորհավորում եմ մեր տեղահանված և օկուպացված տարածքներում ապրող բնակչությանը՝ այն մարդկանց, որոնց համբերությունը և հավատարմությունը Վրաստանի ուժեղ ապագայի հիմքն է։ 33-րդ Նոր տարին դիմավորում ենք մեր տներից հեռու, սակայն միավորում է մեզ այն անսասան հավատը, որ կվերականգնենք բոլոր կոտրված կամուրջները և կվերադառնանք Աբխազիա։
Անցած տարիները մեզ կրկին ցույց տվեցին, թե որքան դժվար է, բայց միակողմանի խաղաղության և վստահության ճանապարհով շարունակաբար առաջ գնալը։ Այս գործընթացում անհրաժեշտ է պաշտպանել մեր հայրենակիցների շահերը, ովքեր ապրում են Ենգուրիի երկու կողմերում, հոգալ նրանց կարիքները և նպաստել պատմական միասնության վերականգնմանը։
Հենց այդ պատճառով 2026 թվականին առաջնահերթություններն են մնալու առողջապահության, կրթության, մշակույթի և տնտեսության ուղղություններով հզորացումը, վրաց-աբխազական հարաբերությունների խորացումը և հաշտեցման վրա հիմնված երկխոսության զարգացումը։
Եվս մեկ անգամ շնորհակալություն եմ հայտնում Վրաստանի վարչապետ Իրակլի Կոբախիձեին՝ տեղահանվածների աջակցման նպատակով իրականացված ծրագրերի աննախադեպ աջակցման համար։
Մենք գիտակցում ենք առկա դժվարությունները։ Բևեռացվածությունն ու հակամարտությունները խոչընդոտում են վստահության վերականգնմանը և հեռացնում են միմյանցից այն մարդկանց, ովքեր միավորված են ընդհանուր անցյալով և արժեքներով։ Սակայն մենք շարունակում ենք ուղիղ երկխոսությունը Աբխազիայում ապրող մեր բնակչության հետ։ Դա կենդանի գործընթաց է, որը հիմնված է հարգանքի, ազգային արժանապատվության և խաղաղության հանդեպ հավատքի վրա։ Սա այն ճանապարհն է, որը անպայման կվերադարձնի մեզ միմյանց։
Թող խաղաղության համար արված յուրաքանչյուր քայլ մեզ համախմբի, և շատ շուտով միասին ապրենք միավորված, հզոր և խաղաղ Վրաստանում՝ մեր աբխազ քույրերի և եղբայրների հետ։
Այս հավատով և ավելի պայծառ ապագայի հույսով ևս մեկ անգամ շնորհավորում եմ Նոր տարին։
Ցանկանում եմ առողջություն, ամրություն, բարեկեցություն և շուտափույթ վերադարձ մեր հողին՝ մեր Աբխազիային», — նշված է Գիորգի Ջինճարաձեի ուղերձում։