Գիորգի Գախարիա. Գոչա Լորթքիփանիձեն կլինի Հաագայի առաջին վրացի դատավորը, ես հպարտ եմ այս մեծ ձեռքբերումով
Գոչա Լորթքիփանիձեն կլինի Հաագայի դատարանում առաջին վրացի դատավորը, ես հպարտ եմ այս մեծ ձեռքբերումով, – այս մասին հայտարարել է վարչապետ Գիորգի Գախարիան:
Ըստ նրա, Գոչա Լորթքիփանիձեն, իր արհեստավարժության շնորհիվ, կլինի միջազգային քրեական դատարանի լավագույն դատավորներից մեկը:
«Այսօր հայտնի դարձավ մի շատ կարևոր նորություն. Արևելյան Եվրոպայի քվոտայով Հաագայի դատարանի դատավոր ընտրվեց Գոչա Լորթքիփանիձեն: Նա կլինի Հաագայի դատարանում մեր երկրի պատմության մեջ առաջին վրացի դատավորը:
Ես հպարտ եմ այս մեծ ձեռքբերումով և վստահ եմ, որ ամենաբարձր մակարդակի պրոֆեսիոնալիզմով նա կդառնա Միջազգային քրեական դատարանի լավագույն դատավորներից մեկը:
«Պարոն Գոչան մի քանի ամիս անց կսկսի կատարել այդ պատվավոր և միևնույն ժամանակ շատ պատասխանատու լիազորությունները, մինչ այդ նա կշարունակի աշխատել մեր թիմում և կարևոր բաներ անել մեր երկրի համար», – հայտարարել է վարչապետը:
Հիշեցնենք, որ Գոչա Լորթքիփանիձեն ընտրվել է Միջազգային քրեական դատարանի դատավոր:
