Բռնության ցանկացած տեսակ անընդունելի է, այստեղ բազմակետ և «բայց» չկա, այստեղ սովորական վերջակետ է, – ասաց «Հանուն Վրաստանի» կուսակցության առաջնորդ Գիորգի Գախարիան:

«Ես ուզում եմ կենտրոնանալ մեր կուսակցության հեռանկարի վրա: Ցավոք, ինձ համար մեծ հիասթափություն է այսօր նման միջավայր տեսնելը, «Երազանքի» այսօրվա ղեկավարները և «Ազգային շարժումը» միմյանց լավ սնում են, փաստացի ծայրահեղ բռնության կոչ են անում իրենց կողմնակիցներին: Այդ պատճառով մեզ համար դա անընդունելի է, և ես միշտ ասում եմ, որ ոմանք չեն հասկանում, թե ինչ է նշանակում, որ «Հանուն Վրաստանի» կուսակցությունը ասում է, որ մենք պետք է հաղթենք «Ազգային շարժմանը»: Այո, մենք պետք է պարտության մատնենք բռնության գեղագիտությունը, «Վրացական երազանքի» դեպքում մենք պետք է հաղթենք այսօրվա կուսակցությանը բնութագրող անկարողությանը և թուլությանը, նրա ղեկավարությանը», – ասաց Գախարիան:

Միևնույն ժամանակ, լրագրողները հարցրին Գախարիային, արդյոք վարչապետ Իրակլի Ղարիբաշվիլին պետք է հրաժարական տա:

«Իրակլի Ղարիբաշվիլին հրաժարական կտա, թե ոչ, դա իր գործն է: Դա, ի վերջո, յուրաքանչյուր մարդու, քաղաքական բարձր պաշտոնյայի բարոյական պատասխանատվությունն է իր քաղաքացիների և իր կողմնակիցների առջև: Ես իմ որոշումը կայացրել եմ, Իրակլի Ղարիբաշվիլին պետք է ինքնուրույն որոշում կայացնի, ես այստեղ նրա խորհրդականը չեմ լինի», – ասաց Գիորգի Գախարիան: