Գինու ազգային գործակալության տվյալներով՝ 2025 թվականի հունվար-նոյեմբեր ամիսներին Վրաստանը գինու և ոգելից խմիչքների արտահանումից վաստակել է ավելի քան կես միլիարդ դոլար

16:59, 26.12.2025

Գինու ազգային գործակալության 11 ամսվա տվյալներով՝ աշխարհի 70 երկրներ արտահանվել է մինչև 82,3 մլն լիտր գինի՝ 245 մլն ԱՄՆ դոլար ընդհանուր արժեքով, ինչը նախորդ տարվա նույն ժամանակահատվածի համեմատ արժեքային առումով նվազել է 7%-ով, իսկ քանակով՝ 9%-ով։

Ինչպես գործակալությունում պարզաբանել են Վրաստանի առաջին ալիքին, աշխարհի 55 երկրներ արտահանվել է 37,7 մլն լիտր ոգելից խմիչք՝ մինչև 257,5 մլն ԱՄՆ դոլար ընդհանուր արժեքով։

Ընդհանուր առմամբ, 11 ամիսների ընթացքում գինու և ոգելից խմիչքների արտահանման հաշվին երկիրը ստացել է զգալի եկամուտ՝ մոտ կես միլիարդ (502,5 մլն) ԱՄՆ դոլար։

Հեղինակ - Anna Badalian

Տնտեսական