Գիգա Բուկիան գտնում է, որ թմրաքաղաքականության ազատականացման կապակցությամբ պատրաստված օրենսդրական փաթեթի քննարկումը պետք է դադարեցվի
Խորհրդարանի «Պահպանողականներ» խմբակցության նախագահ Գիգա Բուկիան գտնում է, որ թմրաքաղաքականության ազատականացման կապակցությամբ պատրաստված օրենսդրական փաթեթի քննարկումը ոչ միայն պետք է դադարեցվի, այլ ընդհանրապես պետք է ետ ուղարկվի խորհրդարանից:
Ինչպես Բուկիան հայտարարել է առաջին ալիքի հետ զրույցում, նա համաձայն է պատրիարքարանի հայտարարության բովանդակության հետ, որի համաձայն օրինագիծը դեռ լավ մշակված չէ: Նրա խոսքերով, օրինագծը նախաձեռնելու ժամանակ մեծամասնությունում նույնպես հնչել են տարբերվող կարծիքներ և պարզ է դարձել, որ թիմում տարակարծիքներ կան:
Պատգամավորը ասում է, որ այն դեպքում եթե գոյություն ունեցող փոփոխությունների կապակցությամբ այնուամենայնիվ շարունակվեն քննարկումները, ապա մեծ հավանականությամբ օրենսգիրքը չի վերածվի օրենքի:
Հիշեցնենք, Վրաստանի խորհրդարանում թմրաքաղաքականության ազատականացման մասին պատրաստված փոփոխությունների նախաձեռնումը տեղի է ունեցել անցած տարի գարնանը, սակայն դրա քննարկումը հետաձգվեց մինչև աշուն և խորհրդարանի առողջապահության հարցերով կոմիտեն այն առաջին ընթերցմամբ ընդունեց դեկտեմբերի 27-ին:
Նշված հարցին Սուրբ ծննդյան ճառում անրադարձել էր Համայն Վրաստանի կաթողիկոս պատրիարք Իլիա երկրորդը, իսկ երեկ Վրաստանի պատրիարքարանը տարածել էր հատուկ հայտարարություն և կոչ արել խորհրդարանին ժամանակավոր դադարեցնել թմրաքաղաքականության ազատականացման կապակցությամբ պատրաստված օրենսդրական փաթեթի քննարկումը:
Հեղինակ -
Edgar Barsegyan