Գիդեոն Սաար – Մենք չենք պլանավորում որևէ մեկին վտարել կամ արտաքսել Գազայի հատվածից
Իսրայելի արտաքին գործերի նախարար Գիդեոն Սաարը հայտարարել է, որ Իսրայելի կառավարությունը չի պլանավորում պաղեստինցիներին վտարել կամ արտաքսել Գազայի հատվածից։
Ինչպես նշում է Reuters-ը, այս հայտարարությունն արվել է այն բանից հետո, երբ այս ամիս երկու իսրայելցի նախարարներ առաջարկեցին պաղեստինցիների զանգվածային արտաքսումը ափամերձ տարածքից։
«Մենք չենք պլանավորում որևէ մեկին վտարել կամ արտաքսել Գազայի հատվածից։ Իհարկե՝ ոչ։ Եթե մեկը ցանկանում է արտագաղթել իր կամքով, և կա մի երկիր, որը պատրաստ է ընդունել նրան, ինչպես դա տեղի է ունենում աշխարհի ցանկացած հակամարտության գոտում, մենք չենք դեմ լինի դրան։ Բայց մենք ոչ մեկին չենք ստիպի լքել տարածքը իր կամքին հակառակ», – ասել է Սաարը։