Գերմանիայի և Ֆրանսիայի զարգացման գործակալությունները հատուկ ջանքերով այս տարի աջակցում են Վրաստանի զարգացմանը և կշարունակեն դա անել նաև ապագայում, – այս մասին ասված է Վրաստանում Գերմանիայի դեսպան Հուբերտ Քնիրշի և Վրաստանում Ֆրանսիայի դեսպան Դիեգո Կոլասի համատեղ հայտարարության մեջ:

Ինչպես նշված է հայտարարության մեջ, Գերմանիան և Ֆրանսիան այսօր տոնում են ֆրանս-գերմանական բարեկամությունը:

«Այս համապարփակ համագործակցության հիմքը Ելիսեյան պայմանագիրն է, որը ստորագրվել է 1963 թվականի հունվարի 22-ին, որով հիմք դրվեց երկու երկրների բարեկամությանը և Եվրոպայում կայուն խաղաղությանը: 2019 թվականի հունվարի 22-ին ստորագրվեց Աաախենի համաձայնագիրը, որը էլ ավելի խորացրեց համագործակցությունը բոլոր ոլորտներում:

Գերմանա-ֆրանսիական բարեկամությունն ուղղված է նաև Վրաստանի բարեկեցությանը: Գերմանական և ֆրանսիական զարգացման գործակալությունները այս տարի հատուկ ջանքերով աջակցում են Վրաստանի զարգացմանը և կշարունակեն դա անել նաև ապագայում: Հատկապես ինտենսիվ է էներգետիկ ոլորտում վրացի գործընկերների հետ համագործակցությունը, որտեղ նրանք միասին ստեղծում են ավելի լավ ապագա: Բացի այդ, Գերմանիան և Ֆրանսիան աջակցում են վրացական ժողովրդավարական ինստիտուտների զարգացմանը, ինչի օրինակն է դեկտեմբերի 12-ի համատեղ հռչակագիրը:

Մենք կշարունակենք համագործակցել ոչ միայն վերը նշված ոլորտներում, այլև կրթության, հետազոտությունների և տնտեսական ոլորտներում, որպեսզի լինենք մեր վրացի ընկերների և գործընկերների կողքին, Եվրոպայի հետ մերձեցման ճանապարհին», – ասվում է Հուբերտ Քնիրշի և Դիեգո Կոլասի հայտարարության մեջ: