Գերմանական լրատվամիջոցներ – Ֆրիդրիխ Մերցի իշխող դաշինքը վարկանիշային աղյուսակում ավելի ու ավելի է հետ մնում ընդդիմադիր «Գերմանիայի համար այլընտրանք» կուսակցությունից
Գերմանիայում կանցլեր Ֆրիդրիխ Մերցի իշխող դաշինքը վարկանիշային աղյուսակում ավելի ու ավելի է հետ մնում ընդդիմադիր «Գերմանիայի համար այլընտրանք» կուսակցությունից: Գերմանական լրատվամիջոցների տվյալներով՝ հարցումները ցույց են տալիս, որ Քրիստոնեա-դեմոկրատական միության և Քրիստոնեա-սոցիալական միության իշխող դաշինքը վայելում է բնակչության 20 տոկոսի աջակցությունը, մինչդեռ «Գերմանիայի համար այլընտրանք» կուսակցությունը՝ 28 տոկոսի աջակցությունը:
«Գերմանիայի համար այլընտրանք» կուսակցությունը նախորդ ամսվա համեմատ մեկ տոկոսային կետով ավելացրել է իր աջակցությունը:
«Կանաչները» նույնպես մեկ կետով բարելավել են իրենց միավորը՝ հասնելով 15 տոկոսի, ինչը նրանց լավագույն արդյունքն է ավելի քան մեկ տարվա ընթացքում:
«Կանաչները» վերջին անգամ 15 տոկոսի հասել են 2025 թվականի հունվարին անցկացված հարցման ժամանակ:
Սոցիալ-դեմոկրատական կուսակցության վարկանիշը մնում է անփոփոխ՝ տասներկու տոկոսի սահմաններում և ներկայումս «Կանաչներից» հետ է մնում երեք տոկոսային կետով: