Խաղաղ հեղաշրջում տեղի չի ունեցել, բայց կարող եմ վստահորեն ասել, որ ցույցի խաղաղ ցրում է տեղի ունեցել, – այս մասին հայտարարել է Վրաստանի ներքին գործերի նախարար Գեկա Գելաձեն։

Նախարարը այցելել է վիրավորված ոստիկաններին Ինգորողվայի անվան կլինիկայում։

«Ես կցանկանայի շնորհակալություն հայտնել երեկվա հանրահավաքին մասնակցած յուրաքանչյուր ոստիկանի։ Համաչափ ուժ է կիրառվել բավականին բարձր մակարդակով։ Ես նաև ուզում եմ, որ հանրությունը իմանա, որ օրենքի ցանկացած խախտում կարժանանա ամենախիստ արձագանքին։ Խաղաղ հեղաշրջում տեղի չի ունեցել, բայց կարող եմ վստահորեն ասել, որ ցույցի խաղաղ ցրում է տեղի ունեցել։

Խմբային բռնության կազմակերպման վերաբերյալ հետաքննություն է սկսվել։ Հինգ անձ ձերբակալվել է։ Այժմ ընթանում են օպերատիվ-հետախուզական գործողություններ, և համապատասխանաբար, բոլոր անձանց նույնականացումից հետո նրանք կենթարկվեն բոլոր համապատասխան իրավական գործընթացներին», – ասել է Գելա Գելաձեն։