Միգրացիայի խնդիրները մնում են մարտահրավեր աշխարհում: Վրաստանը այս առումով բացառություն չէ, և մեր հիմնական առաջնահերթություններից մեկը անօրինական միգրացիայի դեմ պայքարն է,- ասաց Վրաստանի ներքին գործերի նախարար Գեկա Գելաձեն։

Նրա խոսքով՝ Ներքին գործերի նախարարությունը շատ ակտիվ աշխատում է օրենսդրական, տեխնոլոգիական և ենթակառուցվածքային զարգացման առումով։

«2025 թվականին ընդունված օրենսդրական փոփոխությունները, որոնք մենք իրականացրեցինք, միգրացիայի դեմ պայքարը դարձրել են շատ արդյունավետ, և դրա ապացույցն այն է, որ անցած տարվա ընթացքում երկրից արտաքսվել է ավելի քան 1300 անօրինական ներգաղթյալ, ինչը 207 տոկոսով ավելի է 2024 թվականի վիճակագրության համեմատ: Մեր հիմնական առաջնահերթություններից և ծրագրերից մեկն է այս տարի արտաքսել 3500-ից 4000 անօրինական ներգաղթյալների, և կարող եմ վստահորեն ասել, որ այս ճիշտ գործիքներն ու տարբեր մեխանիզմները օգտագործելով՝ մենք անպայման կկարողանանք դա անել», – ասաց Գեկա Գելաձեն։

Վրաստանի վարչապետ Իրակլի Կոբախիձեն տեսաուղերձ է հրապարակել, որում խոսել է միգրացիայի հարցերի մասին և նշել. «Եվրոպայում տեղի ունեցող գործընթացների ֆոնին ողջունելի է հանրային մտահոգությունն ու հետաքրքրությունը միգրացիայի հարցի նկատմամբ։ Յուրաքանչյուր հայրենասերի ցանկությունն է, որ Վրաստանը պաշտպանի իր ազգային և կրոնական ինքնությունը»։