Վրաստանի ֆուտզալի ազգային հավաքականը, Թբիլիսիի օլիմպիական պալատում տարվա առաջին հանդիպումն անց է կացրել Ռուսաստանի հետ: Եվրոպայի առաջնության ընտրական փուլի հանդիպմանը, Ավթանդիլ Ասաթիանիի ղեկավարած հավաքականը մրցել է աշխարհի փոխչեմպիոն՝ Ռուսաստանի ընտրանու հետ, և չնայած մեծ ջանքերին, կրել է պարտություն:
Վրաստանի հավաքականին չեն կարողացել օգնել երկու կարևոր խաղացողներ. Սիմի Սայոտը վնասվածք ունի, իսկ «ԱԵԼ Լիմասոլի» վրացի լեգիոներ Իրակլի Թոդուան չկարողացավ ժամանել համավարակի պատճառով:
Խաղը սկսվել է ռուսների առավելությամբ և, ըստ էության, Եվրոպայի փոխչեմպիոնի դասը զգացվում էր ամբողջ խաղի ընթացքում: Վրաստանը պայքարեց, մի պահ շտկեց իրավիճակը, բայց հյուրերը հաշիվը բացեցին բնականացված բրազիլացու ՝ Ռոմուլոյի գոլով՝ 1:0:
Վրաստանի հավաքականը հավասարակշռությունը վերականգնելու մի քանի իրական հնարավորություն ուներ, բայց վերջին պահին հարձակվողները չկարողացան ճշգրիտ խաղալ, հյուրերը երկրորդ անգամ չներեցին մեր սխալը, և Արտյոմ Նիազովը մեծացրեց տարբերությունը ՝ 0:2:
Դրանից հետո կարող էին աչքի ընկնել Վախտանգ Կեկելիան ու Շագինիան, սակայն Ռուսաստանի թիմին «փրկեց» դարպասաձողը, իսկ Վախտանգ Ջվարաշվիլիի հարվածը վերցրել է դարպասապահը:
Երկրորդ խաղակեսը Վրաստանի հավաքականը ակտիվ սկսեց. Շագինիան և Կեկելիան կարող էին գրավել Ռուսաստանի հավաքականի դարպասը: իսկ Դանիլ Դանիլովն ու Նիազովը հակագրոհների արդյունքում հյուրերի առավելությունը հասցրեցին 4-ի:
Մնացած րոպեներին Ռոնոնիոն ու Էլիսանդրոն փորձեցին կրճատել հաշվի տարբերությունը, բայց ռուս դարպասապահը շատ լավ պաշտպանեց դարպասը: Հանդիպումն ավարտվեց հյուրերի հաղթանակով ՝ 4:0:
Վրաստան – Ռուսաստան 0:4
Գոլեր. 0:1 Ռոմուլո (5), 0:2 Նիազով (10), 0:3 Դանիլով (28), 0:4 Նիազով (33)
Վրաստանի հավաքականը իր հաջորդ հանդիպումն անց է կացնելու մարտի 5-ին Թբիլիսիում: Ավթանդիլ Ասաթիանիի սաները հյուրընկալելու են հայաստանի հավաքականին: