Ֆուտբոլ | Վրաստանի հավաքականը հաղթել է Լիտվային Գիորգի Միքաուտաձեի դուբլով և տարել պատմական 100-րդ հաղթանակը #1TVSPORT
Վրաստանի հավաքականը Կաունասում Գիորգի Միքաուտաձեի դուբլով 2:0 հաշվով հաղթեց Լիտվային ընկերական խաղում։ Սա Վրաստանի ֆուտբոլի ազգային հավաքականի պատմության մեջ 100-րդ հաղթանակն էր։
Իսրայելի հետ խաղից հետո Վիլի Սանյոլը չորս փոփոխություն կատարեց թիմում. Լաշա Դվալին փոխարինեց Լուկա Լոչոշվիլիին ձախ կենտրոնական պաշտպանի դիրքում, Իրակլի Ազարովը՝ Գիորգի Ծիտաիշվիլիին՝ ձախ թևում, իսկ Գիորգի Չակվետաձեն և Զուրիկո Դավիթաշվիլին դաշտ դուրս եկան կիսապաշտպանությունում վնասվածք ստացած Օթար Կիտեիշվիլիի և Նիկա Գագնիձեի փոխարեն։
Առաջին խաղակեսի ամենաիրատեսական պահը ստեղծեց Խվիչա Կվարացխելիան 31-րդ րոպեին. Պարի Սեն-Ժերմենի խաղացողը վտանգավոր տուգանային հարված կատարեց, և տանտերերը փրկվեցին դարպասաձողի շնորհիվ։
Երկրորդ խաղակեսում լիտվացիներն ավելի ակտիվացան, և Գիորգի Մամարդաշվիլին երկու անգամ փրկեց Վրաստանի հավաքականը: Առաջին անգամ Լիտվայի հավաքականի ավագ Յուստաս Լասիցկասի վտանգավոր հարվածից հետո, իսկ երկրորդ անգամ՝ սուր թևային փոխանցումից հետո։
Վրաստանի հավաքականը առաջին գոլը խփեց 71-րդ րոպեին։ Գիորգի Միքաուտաձեն ճշգրիտ իրացրեց իր վաստակած 11 մետրանոց հարվածը։ 84-րդ րոպեին նա դուբլ ձևակերպեց Նիկա Գագնիձեի փոխանցմամբ և 23 գոլով գերազանցեց Խվիչա Կվարացխելիային թիմի բոլոր ժամանակների լավագույն ռմբարկուների ցանկում՝ ընդամենը 3 գոլով զիջելով Շոթա Արվելաձեին։
Վրաստանի ազգային հավաքականը դադարեցրեց իր հինգ խաղից բաղկացած բացասական շարքը, և Վիլի Սանյոլի թիմը հաջորդ խաղը կանցկացնի Ռումինիայի դեմ հունիսի 2-ին Թբիլիսիում։