Ընդունել ենք որոշում, որ օգնենք «Ֆրոնտերա» ընկերության կողմից աշխատանքից ազատված 84 աշխատակցի, որոնց նկատմամբ այսօրվադրությամբ ընկերությունն ունի 17 ամսվա պարտավորություն: Նավթի և գազի կորպորացիան նրանցից յուրաքանչյուրին միանվագ օգնություն կտրամադրի 1200 լարիի չափով: Այս մասին կառավարության այսօրվա նիստից հետոհայտարարել է էկոնոմիկայի և կայուն զարգացման նախարար, Նաթիա Թուրնավան:

Նախարարի խոսքով, չնայած այն հանգամանքին, որ Վրաստանի կառավարությունը միջազգային արբիտրաժում հաղթել է «Ֆրոնտերային», կառավարությունը բարի կամք դրսևորեց և որոշեց չչեղարկել ընկերության հետ պայմանագիրը և թույլ տալ, որ այն շարունակի լեռնահանքային աշխատանքները արտոնագրման շրջանակներում:

Էկոնոմիկայի և կայուն զարգացման նախարարի պարզաբանմամբ, կառավարությունը կոչ է անում ընկերությանը, որ այսօրվա դրությամբ, երբ այլևս չկան խոչընդոտներ իրենց պարտականությունների կատարման համար, ակնկալիք կա, որ նրանք կվճարեն այս աշխատավարձերը: