Ֆրիդրիխ Մերց. Մենք ցանկանում ենք հրադադար Ուկրաինայում, բայց ոչ ցանկացած գնով, մենք չենք ուզում, որ Ուկրաինան կապիտուլյացիայի ենթարկվի
«Մենք ցանկանում ենք կրակի դադարեցում Ուկրաինայում, բայց ոչ ամեն գնով, մենք չենք ուզում Ուկրաինայի կապիտուլյացիան», – այս մասին Մոլդովայի անկախության օրվա կապակցությամբ Քիշնև կատարած այցի ընթացքում Գերմանիայի կանցլեր Ֆրիդրիխ Մերցը հայտարարել է Մոլդովայի, Լեհաստանի և Ֆրանսիայի առաջնորդների հետ համատեղ մամուլի ասուլիսում։
«Ձեր պես, մենք էլ ուզում ենք, որ Ուկրաինայում զենքը վերջնականապես լռի։ Իդեալական կլիներ, եթե դա տեղի ունենար այսօր և անմիջապես։ Սակայն ոչ ամեն գնով։ Մենք չենք ուզում Ուկրաինայի կապիտուլյացիան։ Այդպիսի կապիտուլյացիան Պուտինին միայն ժամանակ կտա, և Պուտինը այդ ժամանակը կօգտագործի հաջորդ պատերազմի նախապատրաստության համար», – նշել է Ֆրիդրիխ Մերցը։