Գերմանիայի կանցլեր Ֆրիդրիխ Մերցը կոչ է անում Իրանին վերադառնալ բանակցությունների սեղանի շուրջ և կողմ է Թեհրանի վրա ճնշումը մեծացնելուն՝ պատժամիջոցների տեսքով։

Նա ասել է, որ Հորմուզի նեղուցի շրջափակումը հսկայական տնտեսական վնաս է հասցնում բոլորին։

«Մենք նաև հանձնառու ենք անհապաղ դադարեցնել Իրանի կողմից Հորմուզի նեղուցի շրջափակումը։ Եթե անհրաժեշտ պայմանները բավարարվեն, Գերմանիան պատրաստ է ռազմական միջոցներ ձեռնարկել՝ նավարկության ազատությունն ապահովելու համար։ Անցյալ շաբաթ, Կիպրոսում կայանալիք Եվրոպական խորհրդի նիստից առաջ, ես կոչ արեցի կրկին ուժեղացնել Թեհրանի վրա պատժամիջոցների ճնշումը, քանի որ եթե Հորմուզը մնա փակ, դա հսկայական տնտեսական վնաս կպատճառի մեզ բոլորիս։ Մեր ուղերձն այն է, որ Իրանը պետք է նստի բանակցությունների սեղանի շուրջ, դադարեցնի ժամանակի հետ խաղալը և այլևս չպահի ամբողջ տարածաշրջանը և, ի վերջո, ամբողջ աշխարհը պատանդ։ Իրանի ռազմական միջուկային ծրագիրը պետք է ավարտվի», – ասել է Գերմանիայի կանցլերը։