Ֆրանսիայում տեղադրվում են ինքնասպասարկման բժշկական տաղավարներ, նախագծի հեղինակները որպես պատճառ նշում են ֆրանսիական շրջաններում բժիշկների պակասի խնդիրը
Ֆրանսիայում տեղադրվում են ինքնասպասարկման բժշկական տաղավարներ։
Ըստ լրատվամիջոցների՝ բժշկական տաղավարները նման են շինարարական տարաների, իսկ ներսում կա պահարան՝ ստեթոսկոպով և տոնոմետրով։
Հիվանդները ստիպված կլինեն իրենք օգտագործել բժշկական գործիքներ, որոնց համար բժիշկը նրանց խորհուրդներ կտա տեսակապի միջոցով։
Նախագծի հեղինակների խոսքով՝ բժշկական տաղավարների տեղադրման նպատակն է վերացնել ֆրանսիական շրջաններում բժիշկների պակասի հետ կապված խնդիրները։
Ըստ Ֆրանսիայի առողջապահության նախարարության՝ երկրի շրջանների 90%-ը բժիշկների պակաս ունի։
«La Box Medicale» ընկերությունը պնդում է, որ նոր տեխնոլոգիան կնպաստի հիվանդությունների կանխարգելմանը և զգալիորեն կկրճատի ախտանիշների ի հայտ գալուց մինչև բժշկական բուժման սկիզբը ընկած ժամանակը։
Ֆրանսիացի որոշ բժիշկներ քննադատում են այս նախաձեռնությունը՝ նշելով, որ անհնար է հեռակա կարգով մանրամասն հետազոտություն անցկացնել։