Ֆրանսիայի խորհրդարանը քվեարկել է 15 տարեկանից փոքր երեխաների համար սոցիալական ցանցեր մուտքն արգելող օրինագծի շուրջ
Ֆրանսիայի խորհրդարանը պատրաստվում է քվեարկել մի օրինագծի շուրջ, որը կարգելի 15 տարեկանից փոքր երեխաներին մուտք գործել սոցիալական ցանցեր։
Այս մասին հայտարարել է Reuters-ը։
Օրինագիծը, որը սենատորներն ու պատգամավորները հաստատել են հանձնաժողովի կողմից հուլիսի 20-ին, կպահանջի, որ սոցիալական ցանցերի հարթակները ներդնեն Ֆրանսիայի տվյալների պաշտպանության կարգավորողի կողմից հաստատված տարիքի ստուգման համակարգ։
Եթե ընդունվի, Ֆրանսիան կհետևի Ավստրալիային, որը դեկտեմբերին ընդունեց աշխարհում առաջին օրենքը, որը սահմանափակում է Facebook-ի, Snapchat-ի, TikTok-ի և YouTube-ի օգտագործումը 16 տարեկանից փոքր անձանց կողմից։
Ֆրանսիայի նախագահ Էմանուել Մակրոնը ցանկանում է, որ օրենքն ուժի մեջ մտնի մինչև հաջորդ ուսումնական տարվա սկիզբը։ Ապրիլին Մակրոնը կոչ արեց երիտասարդներին ավելի քիչ ժամանակ անցկացնել իրենց հեռախոսների վրա և ավելի շատ ժամանակ անցկացնել ընթերցանության վրա՝ «ավելի լավ քաղաքացիներ դառնալու համար»։
Օրինագծի քվեարկությունը նախատեսվում է խորհրդարանում անցկացնել այսօր կեսօրին։ Եթե ընդունվի, 15 տարեկանից փոքր երեխաները այլևս չեն կարողանա հաշիվներ բացել սոցիալական ցանցերի հարթակներում սեպտեմբերի 1-ից։ Հարթակները կունենան լրացուցիչ չորս ամիս՝ առկա հաշիվները փակելու համար։
Հարկ է նշել, որ Եվրոպայի և աշխարհի մի շարք երկրներ ներկայումս քննարկում են սոցիալական ցանցերը սահմանափակելու ուղիները, քանի որ ծնողների շրջանում աճում են մտահոգությունները երեխաների համար հնարավոր ռիսկերի վերաբերյալ։
Միևնույն ժամանակ, Եվրոպական հանձնաժողովն աշխատում է սոցիալական ցանցերի բիզնես մոդելների կարգավորման ուղղությամբ՝ երիտասարդներին ավելի լավ պաշտպանելու համար։ Հենց Եվրոպական հանձնաժողովն է գնահատելու, թե արդյոք ֆրանսիական օրինագիծը համապատասխանում է ԵՄ գործող օրենսդրությանը։