Ֆրանսիայի արտաքին գործերի նախարարությունը հայտարարել է, որ Ռուսաստանը պատասխանատու է վերջին տարիներին երկրի դեմ իրականացված կիբերհարձակումների, այդ թվում՝ 2017 թվականին Էմանուել Մակրոնի նախընտրական քարոզարշավի դեմ կիբերհարձակման համար
Ֆրանսիայի արտաքին գործերի նախարարությունը Ռուսաստանին մեղադրում է կիբերհարձակումների մեջ։ Ֆրանսիայի արտաքին գործերի նախարարությունը հայտարարել է, որ Ռուսաստանը պատասխանատու է վերջին տարիներին երկրի դեմ իրականացված կիբեռհարձակումների, այդ թվում՝ 2017 թվականին Էմանուել Մակրոնի նախընտրական քարոզարշավի դեմ կիբեռհարձակման համար։
Ֆրանսիայի արտաքին գործերի նախարարության տվյալներով՝ երկրի դեմ կիբեռհարձակումները կատարվել են Ռուսաստանի ռազմական հետախուզության, մասնավորապես՝ APT28 անունով հայտնի խմբի կողմից։
Ֆրանսիայի արտաքին գործերի նախարարությունը հայտնում է, որ 2021 թվականից ի վեր ռուս հաքերները հարձակվել են մոտ մեկ տասնյակ հաստատությունների՝ պետական մարմինների, մասնավոր ձեռնարկությունների, ինչպես նաև 2024 թվականի Օլիմպիական և Պարալիմպիկ խաղերի կազմակերպման հետ կապված մարզական կազմակերպության վրա։
Հատկանշական է, որ 2022 թվականին Ֆրանսիայի պաշտպանության նախարարության վրա լուրջ կիբերհարձակում իրականացվեց։ 2017 թվականին Մակրոնի նախընտրական շտաբը ենթարկվեց զանգվածային հաքերային հարձակման, որի արդյունքում տասնյակ հազարավոր նամակներ և փաստաթղթեր արտահոսեցին լրատվամիջոցներին՝ պաշտոնական քարոզարշավի ավարտից ընդամենը մի քանի ժամ առաջ։ Բացի այդ, Ֆրանսիայի Ազգային անվտանգության գործակալությունը (ԱԱԳ) այն ժամանակ հայտարարել էր, որ Մակրոնի նախընտրական քարոզարշավում ռուսական հաքերային հարձակումների վերաբերյալ որևէ ապացույց չի գտել։
Բացի այդ, Ֆրանսիայի արտաքին գործերի նախարարությունը նշել է, որ APT28-ը բազմիցս հարձակումներ է իրականացրել Ուկրաինայի վրա։