Ֆրանսիան կոչ է անում Իրանում գտնվող իր քաղաքացիներին անհապաղ լքել Իսլամական Հանրապետությունը
Ֆրանսիայի արտաքին գործերի նախարարությունը կոչ է արել Իրանում գտնվող իր քաղաքացիներին անհապաղ լքել Իսլամական Հանրապետությունը։ Դրա պատճառը Իսրայելի և Իրանի միջև ռազմական էսկալացիայի մեծ ռիսկն է։
Ֆրանսիայի արտաքին գործերի նախարարությունը նշում է, որ ամբողջ երկիրը գտնվում է կարմիր գոտում։
«Ուստի մենք ֆրանսիացիներին պաշտոնապես խորհուրդ ենք տալիս որևէ պատճառով ձեռնպահ մնալ Իրան մեկնելուց, իսկ այնտեղ գտնվողներին՝ ցանկացած ձևով ցույցերին մասնակցելուց»,- ասվում է Ֆրանսիայի ԱԳՆ հայտարարության մեջ։
Տարածաշրջանում իրավիճակը հատկապես սրվել է Թեհրանում ՀԱՄԱՍ-ի քաղաքական առաջնորդ Իսմայիլ Հանիյեի սպանությունից հետո։