Ֆինլանդիայի նախագահը հայտարարել է, որ Ուկրաինայի խաղաղության բանակցություններում քննարկվում են երեք առանձին փաստաթղթեր
Ուկրաինայի խաղաղ բանակցությունների շրջանակում այժմ քննարկվում են երեք առանձին փաստաթղթեր։ Այս մասին հայտնել է Ֆինլանդիայի նախագահ Ալեքսանդր Ստուբը։
Ստուբի բացատրությամբ՝ առաջինը շրջանակային փաստաթուղթն է, որը ներառում է 20 կետ։
Նախագահը նշել է, որ կողմերը բավականին մոտ են համաձայնության։
«Ես ինձ բավականին հարմարավետ եմ զգում՝ տեսնելով, թե որտեղ ենք հիմա», – հայտարարել է Ստուբը։
Նրա խոսքով՝ երկրորդ փաստաթուղթը, որի քննարկումն ընթանում է, վերաբերում է անվտանգության երաշխիքներին, ինչը ենթադրում է այսպես կոչված՝ «ցանկացող երկրների կոալիցիայի» ձևավորում։
Ֆինլանդիայի նախագահի խոսքով՝ երրորդ փաստաթուղթը վերաբերում է Ուկրաինայի պատերազմից հետո վերականգնմանը։ Ստուբը ընդգծել է, որ Ուկրաինայում խաղաղությունը այժմ ավելի մոտ է, քան երբևէ։