Ֆեթուլլահ Գյուլենի հետ կապ ունենալու մեղադրանքով Թուրքիայի զինված ուժերից ազատելու են մոտ 3000 զինվորականի
Ֆեթուլլահ Գյուլենի հետ կապ ունենալու մեղադրանքով, Թուրքիայի զինված ուժերից ազատելու են մոտ 3000 զինվորականի: Այս մասին հայտարարել է Թուրքիայի պաշտպանության նախարարը:
«Փետոի անդամներին հայտնաբերելու համար կատարել ենք շատ ծանր աշխատանք: Թուրքիայի բանակում հայտնաբերել ենք այս կառույցի մոտ 3000 անդամ: Նրանց բանակի կազմից հանելու մասին խնդրանքը արդեն ուղարկել ենք վարչապետի վարչությանը»,-նշել է Նուրեթին Ջանիկլին, լրագրողների հետ զրույցի ժամանակ:
Թուրքիայի իշխանությունները Ֆեթուլլահ Գյուլենին 2016 թվականի հուլիսի 16-ին մեղադրել է պետական հեղաշրջում կազմակերպելու մեջ: Թուրքիան ԱՄՆ-ից պահանջում է Գյուլենի արտահանձնումը: Անձամբ Գյուլենը հերքում է իր մասնակցությունը հեղաշրջման կազմակերպմանը:
Հեղինակ -
Edgar Barsegyan