Բրիտանական «ֆայնեյշնլ Թայմս» հրատարակությունը գրում է, որ Ռուսաստանի նախագահի օգնական Յուրի Ուշակովը կոպտորեն մերժել է Ֆրանսիայի ներկայացուցիչներին, որոնք փորձում էին համոզել Կրեմլին, որ Եվրոպան պետք է մասնակցի Ուկրաինայի հարցով խաղաղության բանակցություններին։

Հոդվածում նշվում է, որ Ֆրանսիայի նախագահի խորհրդականներ Էմանուել Բոնին և Բերտրան Բուխվալտերը փետրվարին ժամանել են Մոսկվա՝ Պուտինի օգնական Յուրի Ուշակովի հետ հանդիպելու։

Հրապարակման տվյալներով՝ նրանք փորձել են համոզել Կրեմլին, որ Եվրոպան պետք է նստի ուկրաինական հարցի շուրջ բանակցությունների սեղանի շուրջ։

Լրատվամիջոցների տվյալներով՝ Ուշակովը կոպտորեն է արձագանքել այս խնդրանքին։

«Կներեք, բայց ոչ, հեռացեք…», – պատասխանել է Ռուսաստանի նախագահի օգնականը։

Կրեմլի խոսնակ Դմիտրի Պեսկովը հայտարարեց, որ եվրոպացիները չեն ցանկանում խթանել խաղաղության գործընթացը, իսկ Ֆրանսիայի ներկայացուցիչները որևէ դրական ուղերձ չեն բերել Մոսկվա։

Կրեմլի խոսնակի խոսքով՝ եվրոպացիները ամեն ինչ անում են՝ ուկրաինացիներին համոզելու շարունակել պատերազմը։ Նրա խոսքով՝ Ռուսաստանը վստահ է, որ հաղթում է պատերազմում, և ռազմաճակատում դինամիկան դրական է ռուսական բանակի համար։