Մենք բազմիցս ասել ենք, որ մոտ 42 տոկոս է այն մարդկանց թիվը, որոնք մեզ չեն վստահում: Ընթանում են համապատասխան աշխատանքներ: Կարևոր է պատվաստանյութի ժողովրդականացումը,- այս մասին համակարգող խորհրդի նիստից հետո հայտարարել է, Վրաստանի առողջապահության նախարար Էկատերինե Տիկարաձեն:

Նախարարի խոսքով, առաջինը և ամենակարևորը պետության կողմից վստահության երաշխավոր լինելն է:

«Սա այն է, որ մենք վստահում ենք Առողջապահության համաշխարհային կազմակերպությանը, նրա կողմից հաստատված վստահելի պատվաստանյութին, ուստի ՝ ոչ մի պատվաստանյութ չի ներկրվի երկիր, որը չի ունենա բարձր վստահության կարգավիճակ: Ուստի ես կարծում եմ, որ սա ամենակարևոր փաստարկներից մեկն է, որպեսզի մեր քաղաքացիները մտածեն այն մասին, թե որքան մեծ պատասխանատվություն ունի կառավարությունն այս որոշման մեջ», – ասել է Տիկարաձեն:

Միեւնույն ժամանակ, ըստ Էկատերինե Տիկարաձեի, պատվաստանյութը Վրաստան կներկրվի փետրվարի վերջին:

«Մենք սպասում ենք պատվաստանյութը փետրվարի վերջին: Տեղի է ունենում ինտենսիվ հաղորդակցություն: Մենք արդեն հարցում ենք ուղարկել բոլոր կլինիկաներին և բժշկական հաստատություններին, որպեսզի տրամադրեն բժշկական հաստատությունում աշխատող ողջ անձնակազմի մանրամասն ցուցակը, որպեսզի պատվաստումների գործընթացը պատշաճ կերպով պլանավորվի: Բացի «Փայզերից», մենք սպասում ենք «Աստրազենեկայի» պատվաստանյութի կես միլիոն չափաբաժին: Մենք արդեն ուղարկել ենք բոլոր անհրաժեշտ փաստաթղթերը և առաջին եռամսյակում սպասում ենք նաև «Աստրազենեկայի» պատվաստանյութը», – հայտարարել է Տիկարաձեն: