Էրգնեթի գյուղում տեղի է ունեցել միջադեպերի կանխարգելման և արձագանքման մեխանիզմի 135-րդ նիստը
Գորիի մունիցիպալիտետի Էրգնեթի գյուղում տեղի է ունեցել միջադեպերի կանխարգելման և արձագանքման մեխանիզմի (IPRM) 135-րդ նիստը, որի ընթացքում մանրամասն քննարկվել են նախորդ նիստից ի վեր օկուպացված շրջանում և օկուպացիոն գծին հարակից տարածքներում գրանցված բոլոր միջադեպերը: Այս մասին հաղորդում է Պետական անվտանգության ծառայությունը (ՊԱԾ):
Նրանց խոսքով՝ Պետական անվտանգության ծառայության ներկայացուցիչները կրկին խստորեն բարձրացրել են Վրաստանի քաղաքացի Թամազ Գինտուրիի սպանության մեջ մեղավոր Ռուսաստանի օկուպացիոն ուժերի ներկայացուցչին/ներկայացուցիչներին պատասխանատվության ենթարկելու հարցը:
«Նաև նիստում քննարկված հարցերից մեկը ազատ տեղաշարժի անօրինական սահմանափակումն ու այսպես կոչված անցակետերում ռեժիմն էր:
Կենտրոնական կառավարության ներկայացուցիչները կրկին դատապարտել են անօրինական, այսպես կոչված, սահմանազատումը և խստորեն պահանջել անօրինական կալանքի տակ գտնվող բոլոր անձանց անհապաղ ազատ արձակումը:
Հանդիպման ընթացքում ընդգծվել է օկուպացված Ցխինվալի շրջանում մարդու հիմնարար իրավունքների խախտման միտումը:
Հաջորդ IPRM նիստը նշանակվել է դեկտեմբերի 15-ին», – ասվում է ՊԱԾ հայտարարության մեջ: