Չինաստանի արտաքին գործերի նախարարություն. Երկրները «Սառը պատերազմի» մտածելակերպի հիման վրա բլոկների բաժանելը և աշխարհաքաղաքական դիմակայությունը հրահրելը չեն համապատասխանում Արկտիկական տարածաշրջանի կայունությանը
Երկրները «Սառը պատերազմի» մտածելակերպի հիման վրա բլոկների բաժանելը և աշխարհաքաղաքական դիմակայությունը հրահրելը չեն համապատասխանում Արկտիկական տարածաշրջանի խաղաղությանը, կայունությանը և զարգացմանը, հայտարարել է Չինաստանի արտաքին գործերի նախարարության խոսնակ Մաո Նինգը։
Չինաստանի արտաքին գործերի նախարարության խոսնակը նշել է, որ Արկտիկան ազդում է միջազգային հանրության ընդհանուր շահերի վրա։
«Երկրների իրավունքն ու ազատությունը՝ Արկտիկայում իրենց գործունեությունն իրականացնելու օրենքին համապատասխան, պետք է լիովին հարգվեն։ Չինաստանի գործունեությունն Արկտիկայում ուղղված է տարածաշրջանում խաղաղության, կայունության և կայուն զարգացման խթանմանը։ Դրանք համապատասխանում են միջազգային իրավունքին», – ասել է Չինաստանի արտաքին գործերի նախարարության խոսնակը։
Չինաստանի արտաքին գործերի նախարարության ներկայացուցչի հայտարարությունը վերաբերում է Եվրամիության կողմից ներկայացված Արկտիկական նոր ռազմավարությանը։