Ֆրանսիայի նախագահ Էմանուել Մակրոնը հանդիպել է Հնդկաստանի վարչապետ Նարենդրա Մոդիի հետ։ Ինչպես նշվեց, առաջնորդները համաձայնել են խորացնել գործընկերությունը։

Էմանուել Մակրոնը Նարենդրա Մոդիի հետ մամուլի ասուլիսում հայտարարել է, որ աշխարհում տեղի ունեցող փոփոխությունների պայմաններում Հնդկաստան-Ֆրանսիա համագործակցությունը տեղափոխվում է նոր մակարդակի։

«Մենք պասիվ չենք լինի գերիշխանության առջև և չենք հրաժարվի համագործակցությունից, ինչպես որոշներն են արել», – ասել է Ֆրանսիայի նախագահը։

Բացի այդ, Էմանուել Մակրոնը նշել է, որ Ֆրանսիան կարող է չափազանց խիստ լինել հնդիկ ուսանողներին վիզաներ տրամադրելու հարցում և խոստացել է պարզեցնել գործընթացը։

Իր հերթին, Հնդկաստանի վարչապետ Նարենդրա Մոդին ասել է, որ «Հնդկաստան-Ֆրանսիա գործընկերությունը սահմաններ չի ճանաչում. այն տարածվում է օվկիանոսի խորքից մինչև լեռների գագաթները»։