Ըստ ուկրաինական ԶԼՄ-ների՝ ռուսական օկուպացիոն ուժերը գրավել են Դոնեցկի մարզի երկու բնակավայրեր, առաջխաղացել Դալնիում՝ Նովոդոնեցկի մոտ և Տրուդովոյում
Ռուսական օկուպացիոն ուժերը գրավել են Ուկրաինայի Դոնեցկի մարզի երկու բնակավայր։ Ըստ ուկրաինական լրատվամիջոցների՝ ռուսական զորամիավորումները գրավել են Կուրախովոյի ջրամբարի մոտ գտնվող Իլինկա գյուղը, ինչպես նաև առաջխաղացել են Դալնիում՝ Նովոդոնեցկի և Տրուդովոյի մոտակայքում։
Միաժամանակ, Ռուսաստանի պաշտպանության նախարարության տրամադրած տեղեկատվության համաձայն, ռուս զինվորականները մտել են Ռիվնոպիլ գյուղ։ Ռուսական բանակի ստորաբաժանումները օդային և հրետանային հարձակում են սկսել Ուկրաինայի ռազմական օդանավակայանների և էներգետիկ ենթակառուցվածքների վրա։
Ուկրաինայի Զինված ուժերի գլխավոր շտաբի տվյալներով՝ անցած օրվա ընթացքում ռազմաճակատում 151 ռազմական բախում է տեղի ունեցել ռուսական բանակի հետ։ Ըստ ուկրաինական լրատվամիջոցների՝ որոշ ռուս զինվորականներ հագել էին Ուկրաինայի զինված ուժերի համազգեստ, ինչը պատերազմի օրենքների խախտում է և համարվում է ռազմական հանցագործություն։