Ըստ լրատվամիջոցների՝ Զելիմխան Խանգոշվիլիի սպանության գործով դատավճռից հետո Գերմանիան երկու ռուս դիվանագետների պերսոնա նոն գրատա է հայտարարել
Զելիմխան Խանգոշվիլիի սպանության դատավճռից հետո Գերմանիան պերսոնա նոն գրատա է հայտարարել ռուս երկու դիվանագետների։
Գերմանիայի արտաքին գործերի նախարար Անալենա Բերբոկի խոսքով՝ Խանգոշվիլիի սպանության գործով Գերմանիայի ԱԳ նախարարություն է կանչվել Ռուսաստանի դեսպանը։
Գերմանիայի ԱԳՆ ղեկավարի խոսքով՝ պետության կողմից պատվիրված սպանությունը գերմանական օրենսդրության և ԳԴՀ ինքնիշխանության լուրջ խախտում է։
Վրաստանի քաղաքացի Զելիմխան Խանգոշվիլիի սպանության մեջ մեղադրվող Ռուսաստանի քաղաքացին դատապարտվել է ցմահ ազատազրկման։
Դեկտեմբերի սկզբին Գերմանիայի դաշնային դատախազությունը հայտարարեց, որ Ռուսաստանի քաղաքացու հանցագործությունն ապացուցված է, և պահանջեց Վադիմ Կ.-ին դատապարտել ցմահ ազատազրկման։ Այնուամենայնիվ, գլխավոր դատախազ Նիկոլաուս Ֆորշներն ասել է, որ համոզված է, որ սպանությունը քաղաքական դրդապատճառ է ունեցել, և որ այն պատվիրվել է ռուսական պետական գերատեսչությունների կողմից: Խանգոշվիլին սպանվել է 2019 թվականի օգոստոսին Բեռլինում։