Ըստ լրատվամիջոցների՝ պաղեստինյան ռազմական խմբավորումները հրթիռային հարձակում են իրականացրել Իսրայելի դեմ
Պաղեստինյան ռազմական խմբավորումները հրթիռակոծել են Իսրայելը։ Տեղական լրատվամիջոցների փոխանցմամբ՝ իսրայելական բանտում պաղեստինցու մահից հետո Գազայի հատվածից Իսրայելի ուղղությամբ արձակվել է 22 հրթիռ, որոնցից Իսրայելին հաջողվել է խոցել 4-ը։
Հրթիռային հարձակման հետեւանքով Սդերոտ քաղաքում 25-ամյա մի երիտասարդ ծանր վիրավորվել է։ Տարածված տեղեկությունների համաձայն՝ տղամարդը օտարերկրյա երկրի քաղաքացի է։ Հաղորդվում է, որ Իսրայելում դեռ լսվում է օդային նախազգուշացման ազդանշանը։
Հիշեցնենք, որ «Իսլամական ջիհադ» պաղեստինյան խմբավորման անդամ Խադեր Ադնանին մահացել է իսրայելական բանտում 87-օրյա հացադուլից հետո։