Ընտրությունները կեղծվել են հօգուտ Պետրո Պորոշենկոյի. Յուլյա Տիմոշենկո

15:15, 02.04.2019

ՈՒկրաինայի նախագահության թեկնածու Յուլիա Տիմոշենկոն ընտրությունների առաջին փուլից հետո անց է կացրել առաջին ասուլիսը: «Բատկիվշինայի» լիդերը գտնում է, որ ՈՒկրաինայում նախագահական ընտրությունները կեղծվել են հօգուտ գործող նախագահի:

Ընդիմադիր քաղաքական գործչի խոսքով, Պորոշենկոն օգտվել է վարչական ռեսուրսից և երկիրը վեր է ածել իր բիզնես կորպորացիայի:

«Այս ընտրությունները ֆարս են, հենց Պետրո Պորոշենկոյի ջանքերով: Կարող եմ հստակ ասել, որ արդյունքները կեղծված են: Պորոշենկոն չպետք է լինի երկրորդ փուլում»,-հայտարարել է Տիմոշենկոն:

Չնայած դրան Տիմոշենկոն հայտարարել է, որ շարունակելու է պայքարը արդար ՈՒկրաինայի համար և այս պայքարը իր կողմնակիցների հետ միասին հասցնելու է ավարտին:

Հեղինակ - edgar barsegyan

Միջազգային

Յուլյա Տիմոշենկո