«Վրացական երազանք» կուսակցության պատգամավոր, Շալվա Պապուաշվիլիի հայտարարությամբ, ընտրական բարեփոխումների վերաբերյալ աշխատանքային խմբի հանդիպումը տեղի կունենա նաև երկուշաբթի օրը: Այս մասին Պապուաշվիլին հայտարարել է այսօրվա հանդիպման ավարտից հետո:

Շալվա Պապուաշվիլին հայտարարում է, որ հանդիպմանը փաստորեն պայմանավորվածություն է ձեռք բերվել, և արդեն պարզվելու են տեխնիկական մանրամասները:

«Կան մի քանի կարևոր հարցեր, ինչպիսիք են ԿԸՀ-ի վարչակազմի աշխատակազմի կազմավորումը, և ես կարծում եմ, որ մենք փաստորեն պայմանավորվել ենք, որոշ տեխնիկական մանրամասներ պետք է ճշտենք: Կարծում եմ նաև, որ մենք ԿԸՀ-ի նախագահի տեղակալի հարցի վերաբերյալ մշակել ենք մի մոդել, որի շուրջ վերջապես կարող ենք համաձայնության գալ: Յուրաքանչյուրին որոշակի ժամանակ է պետք, վերջնականապես ձևավորելու և այլ հարցեր բարձրացնելու համար: Երկուշաբթի օրը, ինչպես պայմանավորվեցինք, մենք կունենանք մեկ այլ հանդիպում, և ես համոզված եմ, որ կհամաձայնվենք վերջնական տարբերակի շուրջ:

Կարծում եմ, մենք անպայման կհամաձայնվենք տեղակալի հարցում: Նախևառաջ, գլխավորն այն է, որ երրորդ հանդիպումը, որն այս ձևաչափով անցկացվում է կողմերի կողմից, առանց միջնորդության և այլ ձևաչափերի, շատ գործարար է, շատ կառուցողական: Անձամբ ես շատ գոհ եմ, որ մեր աշխատանքն այսքան արդյունավետ է և, հետևաբար, համոզված եմ, որ մենք կհամաձայնվենք բոլոր կարևոր հարցերի շուրջ», – նշել է Շալվա Պապուաշվիլին: