«Ազգային շարժման» անդամ, Թինա Բոկուչավայի հայտարարությամբ, ընդդիմությունը ցանկանում է, որ քաղաքական կուսակցությունների միջև բանակցություններն ավարտվեն որոշ արդյունքներով և հաղթահարվի  երկրում առկա ճգնաժամը:

Նրա խոսքով, ընդդիմության դիրքորոշումները հասարակության համար հայտնի են, և այժմ ժամանակն է, որ իշխանությունները հստակ հայտարարեն, թե ինչ զիջումների են գնում:

«Շատ դրական է, որ նախագահ Միշելը ներդրումներ է կատարում այս գործընթացի մեջ, այս գործընթացի հաջողությունը շատ կարևոր է նրա և ընդհանրապես Եվրոպայի համար: Այս գործընթացի հաջողությունը կարևոր է նաև մեզ համար: Ընդդիմությունը ցանկանում է այս փուլում ինչ-որ բան քաղել այս բանակցություններից, այս ճգնաժամը հաղթահարելու համար, և քաղաքական ուժերը սկսեն հոգ տանել ժողովրդի խնդիրների մասին, դրա վրա ծախսելով ավելի շատ քաղաքական կապիտալ, քան հնարավոր է քաղաքական ճգնաժամի պայմաններում:

Մեր դիրքորոշումները հասարակության համար պարզ են, և այժմ ժամանակն է, որ իշխանությունները հասկանան, թե ինչ զիջումների են գնում, քանի որ մինչ այժմ մենք «Վրացական երազանքից» մեկ առաջարկ չենք լսել ընդդիմության ճկուն դիրքորոշումների վերաբերյալ: Նրանք պատրաստ չեն զիջումների, բայց ես կասկածում եմ, որ միջազգային ճնշման պայմաններում ստիպված կլինեն զիջումների գնալ», – հայտարարել է Թինա Բոկուչավան:

Եվրոպական խորհրդի նախագահ Շառլ Միշելը գրել է Ֆեյսբուքում, որ Քրիստիան Դանիելսոնը շաբաթվա վերջին կվերադառնա Վրաստան և կշարունակի միջնորդությունը: