«Ընդդիմության դաշինքի» անդամները հանդիպում են Վրաստանում Մեծ Բրիտանիայի դեսպան Գարեթ Ուորդի հետ:

Ինչպես հանդիպումից առաջ հայտարարել է «Ֆեդերալիստների» առաջնորդ Թամար Չերգոլեիշվիլին, նրանք մտադիր են դեսպանին տեղեկություններ տրամադրել դաշինքի մասին, մասնավորապես՝ որն է իրենց հաղթանակի ուղին և կոնկրետ ինչ են ակնկալում միջազգային հանրությունից:

«Մենք մտադիր ենք բացատրել, որ դաշինքի խնդիրը միայն վարչակարգի պարտությունը չէ, դաշինքի նպատակը ժողովրդավարության նկատմամբ հասարակության հավատի վերականգնումն է: Հենց այդ պատճառով էլ մենք սկսում ենք հենց մեզնից։ Սա յուրօրինակ ժողովրդավարական վերագործարկման նախագիծ է։ Երկրորդ հարցն այն է, թե ինչպես ենք պատրաստվում հաղթել վարչակարգին և որն է մեր հաղթանակի ճանապարհը, կոնկրետ ինչ ենք պահանջում միջազգային հանրությունից այս ճանապարհին, որպեսզի հասնենք այս երկրում Ռուսաստանի պարտությանը, և Վրաստանը դառնա ազատ աշխարհի մաս»,- հայտարարել է Թամար Չերգոլեիշվիլին։

Բացի այդ, «Միացյալ ազգային շարժման» քաղաքական քարտուղար Գիորգի Բարամիձեի խոսքով՝ Մեծ Բրիտանիան, ինչպես և Վրաստանի մյուս բարեկամները, սատարում է վրաց ժողովրդին, որպեսզի Վրաստանը լինի խաղաղ, եվրոպական երկիր։

«Մենք խոսում ենք Վրաստանի բոլոր բարեկամների հետ այն մասին, թե ինչպես փրկել Վրաստանը դավաճանների և հանցագործների այս ռուսական խմբավորումից, որը Վրաստանին տանում է դեպի մեկուսացում, դեպի Ռուսաստան: Մեծ Բրիտանիան, ինչպես և Վրաստանի մյուս բարեկամները, սատարում է վրաց ժողովրդին, որպեսզի Վրաստանը լինի քաղաքակիրթ, խաղաղ, եվրոպական, միասնական, բարգավաճ երկիր և չի սատարում Ռուսաստանի հետ համագործակցող Վրաստանի դավաճանների և հանցագործների խմբավորմանը»,- հայտարարել է Բարամիձեն: