Ընդդիմադիր կուսակցությունների ներկայացուցիչները բանակցություններ են վարում այն հարցով, թե ինչպես են վաղը կազմակերպելու հանրահավաքը Ռուսթավելիի պողոտայում և ինչպես են հանդիպելու այցով Վրաստանում գտնվող ԱՄՆ-ի պետքարտուղար Մայք Պոմպեոյի հետ:

Ինչպես լրագրողներին ասել է «Եվրոպական Վրաստանի» ղեկավարներից մեկը ՝ Գիգի Ուգուլավան, վաղը բողոքելու են նրանք, ովքեր գտնում են, որ ընտրությունները կեղծվել են:

«Յուրաքանչյուրը, ով կարծում է, որ հոկտեմբերի 31-ի ընտրությունները կեղծվել են, պետք է դուրս գա և ոտքի կանգնի և հաղորդագրություն ուղարկի ամերիկյան հասարակությանը», – հայտարարել է Ուգուլավան:

Հարցին, թե ընդդիմադիր կուսակցությունները խոսե՞լ են Վրաստանում ԱՄՆ-ի դեսպանի հետ վաղվա հանրահավաքի վերաբերյալ, Ուգուլավան ասել է, որ նրա հետ այս հարցով չեն խոսել:

«Այս հարցի շուրջ ոչ մի խոսակցություն չի եղել և չի էլ կարող լինել, քանի որ հանրահավաք անցկացնելը սահմանադրությանը համապատասխան, չի պահանջում որևէ համաձայնություն », – ասել է  Ուգուլավան: