Ձյուդո. Լաշա Շավդաթուաշվիլին երկրորդ անգամ դարձավ Եվրոպայի չեմպիոն #1TVSPORT
Թբիլիսիում ընթացող Եվրոպայի առաջնությունը հաղթանակով եզրափակեց 73 կգ քաշային կարգում հանդես եկող Լաշա Շավդաթուաշվիլին։ Նա եզրափակչում հաղթեց Ադրբեջանի ներկայացուցիչ Հիդայաթ Հեյդարովին և երկրորդ անգամ դարձավ Եվրոպայի չեմպիոն։
Ինչպես բնորոշ է եզրափակիչներին, գոտեմարտը չափազանց լարված ստացվեց և տեղափոխվեց լրացուցիչ ժամանակ։ Ձյուդոիստները պայքարեցին 10 րոպե, սակայն ոչ մեկին չհաջողվեց միավոր վաստակել։ Լաշա Շավդաթուաշվիլին ստիպեց մրցակցին երեք զգուշացում ստանալ և արժանացավ ոսկե մեդալի։
Նրա հավաքածուում արդեն կան Օլիմպիական խաղերի, աշխարհի և Եվրոպայի (2) առաջնությունների ոսկե մեդալներ։
Հիշեցնենք, որ մի քանի րոպե առաջ Եվրոպայի չեմպիոն էր դարձել նաև Էթեր Լիպարտելիանին։
