Դպրոցի մանդատայինը այսուհետ ունենալու է՝ աշակերտի չհայտնվելու համար ծնողին, իսկ իրավախախտման դեպքում ոստիկանությանը անհապաղ հաղորդագրություն ուղարկելու պարտավորություն
Դպրոցի մանդատայինը այսուհետ ունենալու է՝ աշակերտի չհայտնվելու համար ծնողին, իսկ իրավախախտման դեպքում ոստիկանությանը անհապաղ հաղորդագրություն ուղարկելու պարտավորություն,-այս փոփոխությունները նախատեսվել են «ընդհանուր կրթության մասին» Վրաստանի օրենքի նախագծում:
Բացի այդ, նախագծի համաձայն մանդատայինների ծառայությունը դառնում է ավելի անկախ և հավելյալ իրավունքներ ունեցող ծառայություն: Մանդատայինին ասուհետ նշանակելու է ոչ թե դպրոցի տնօրենը, այլ մանդատայինի ծառայության պետը: Իսկ մանդատայինների ծառայության պետին նշանակելու է կրթության նախարարը:
Բացի այդ, եթե մինչ այս մանդատային հնարավոր էր դառնալ միայն ընդհանուր կրթություն ստացած անձը, ապա այսուհետ մանդատային կդառնա միայն բարձրագույն կրթություն ունեցող անձը:
Մանդատային դառնալու տարիքը բարձրացվում է մինչև 21 տարեկան: Փոխվում է նաև մանդատայինի մասնագիտացված պատրաստման կարգը, որը թեորիայի հետ մեկտեղ նախատեսում է նաև պրակտիկ ուսուցում: Դասընթացները անց են կացնելու համապատասխան մասնագետները: