Դորտմունդի «Բորուսիան» տնային հաղթանակ տարավ լարված վերջնամասով խաղում

Գերմանական Բունդեսլիգայում մարտի 11-ին անցկացվեցին 26-րդ տուրի մնացած հանդիպումները։

Դորտմունդի «Բորուսիան» սեփական հարկի տակ  3:2 հաշվով հաղթեց Ֆրանկֆուրտի «Այնտրախտին», իսկ «Շտուտգարտ» – «Լայպցիգ» հանդիպումը ավարտվեց ոչ ոքի՝ 0։0։ Դորտմունդում կայացած հանդիպման վերջնամասում հյուրերը 2 անգամ հաշիվը հավասարեցրին, սակայն «Բորուսիան» հաթանակ կորզեց բելգիացի հարձակվող Միշի Բատշուայիի դուբլի շնորհիվ։

«Բորուսիան» 45 միավորով երրորդ տեղում է։ Երկրորդ տեղում գտնվող «Շալկեն» ունի 46 միավոր, իսկ առաջատար «Բավարիան»՝ 66։