Այս պատերազմը հարյուրավոր տարբեր մեկնաբանությունների տեղիք է տալիս՝ անկախ նրանից, թե անօդաչու թռչող սարքը ուկրաինական էր, թե ռուսական, բայց մեկ բան հաստատ է՝ պատերազմը իրականություն է դարձնում այլ երկրների սահմաններին սպառնացող վտանգը,- ասել է Լեհաստանի վարչապետ Դոնալդ Տուսկը։

Հունգարացի գործընկերոջ հետ մամուլի ասուլիսում Լեհաստանի վարչապետը նշել է, որ Բալթյան երկրներում անօդաչու թռչող սարքերի հետ կապված միջադեպերը այն սրացման մասն են կազմում, որի մասին նա խոսում է մի քանի ամիս։

«Ես մի քանի ամիս առաջ զգուշացրել էի, որ իրավիճակը կարող է սրվել ոչ միայն Ռուսաստան-Ուկրաինա պատերազմի ուղղությամբ, այլև ամբողջ արևելյան թևում», – ասել է Տուսկը։

Տուսկի խոսքով՝ շարունակվող պատերազմը տարբեր մեկնաբանությունների տեղիք է տալիս՝ անկախ նրանից, թե դա ուկրաինական անօդաչու թռչող սարք էր, թե ռուսական, բայց մեկ բան հստակ է՝ պատերազմը իրականություն է դարձնում այլ երկրների սահմաններին սպառնացող վտանգը։

«Ես չեմ զարմանում, որ վերջին օրերին ազդանշաններ են եղել, որ քաոսը կարող է ազդել նաև մեր հարևանների՝ մասնավորապես Բալթյան երկրների վրա», – ասել է Լեհաստանի վարչապետը։

Նրա խոսքով՝ այս փուլում Լեհաստանի համար ուղղակի սպառնալիք չկա, չնայած տարբեր սադրանքների ռիսկը գնալով ավելի իրական է դառնում։