Դոնալդ Թրամփն իր լիակատար աջակցությունն է հայտնել Ներկայացուցիչների պալատի նախագահ Մայք Ջոնսոնին

ԱՄՆ Կոնգրեսի Ներկայացուցիչների պալատի նոր խոսնակի ընտրությունից մի քանի օր առաջ ԱՄՆ նորընտիր նախագահ Դոնալդ Թրամփն իր լիակատար աջակցությունն է հայտնել ներկայիս խոսնակ Մայք Ջոնսոնին։

«Խոսնակ Մայք Ջոնսոնը լավ, աշխատասեր, կրոնասեր մարդ է։ Նա ճիշտ բաներ կանի, և մենք կշարունակենք հաղթել: Ես լիովին և անվերապահորեն աջակցում եմ Մայքին»,- գրել է Թրամփը իր սոցցանցում։

Ինչպես գրում է The Hill-ը, հունվարի 3-ի քվեարկության ժամանակ որևէ մեկը կվիճարկի՞ Ջոնսոնին, մեծապես կախված է նորընտիր նախագահից, ուստի, ինչպես նշում է հրատարակությունը, Թրամփի հանրային աջակցությունը կարող է դառնալ Ջոնսոնի հաղթանակի բանալին։