Դոնալդ Թրամփը վաղը կհանդիպի Ներկայացուցիչների պալատի հանրապետական անդամների հետ
ԱՄՆ նորընտիր նախագահ Դոնալդ Թրամփը վաղը կհանդիպի Ներկայացուցիչների պալատի հանրապետական անդամների հետ։ Ներկայացուցիչների պալատի նախագահ Մայք Ջոնսոնն այդ մասին խոսել է ԱՄՆ Կոնգրեսի այլ հանրապետական առաջնորդների հետ Կապիտոլիումի դիմաց։
Ջոնսոնի խոսքով, հանդիպելու ցանկություն է հայտնել անձամբ Դոնալդ Թրամփը։
«Նախագահ Թրամփը Սպիտակ տանը կհանդիպի նախագահ Բայդենի հետ։ Նա նաև ցանկանում է գալ և հանդիպել Կոնգրեսի հանրապետական անդամների հետ»,- ասել է Ջոնսոնը:
Տեղեկության համար՝ Կոնգրեսի նոր կազմը աշխատանքը սկսում է հունվարի 3-ին, իսկ Թրամփի վարչակազմը իրավասությունը պաշտոնապես կստանձնի հունվարի 20-ին։