Դոնալդ Թրամփը սոցիալական ցանցերում հոդված է հրապարակել՝ «Թրամփի ոճով ազգայնականությունը մոլեգնում է ամբողջ աշխարհում, արդյո՞ք Ֆրանսիան կլինի հաջորդը՝ Լե Պենի հետ կրկնելով իր հաջողությունը»
Թրամփի ոճով ազգայնականությունը մոլեգնում է ամբողջ աշխարհում: Արդյո՞ք Ֆրանսիան կլինի հաջորդը՝ Լե Պենի հաջողությունը կրկնելով,- սա ԱՄՆ նախագահ Դոնալդ Թրամփի սոցիալական ցանցերում հրապարակված հոդվածն է։
Հոդվածում նշվում է, որ ֆրանսիացի քաղաքական գործիչ և իրավաբան Մարին Լե Պենը առաջադրվել է Ֆրանսիայի նախագահի պաշտոնում՝ հույս ունենալով ազդել սոցիալիզմից և ձախից աջ տատանվող համաշխարհային քաղաքական ճոճանակի վրա։
Հոդվածի համաձայն՝ շատ երկրների ընտրողները հոգնել են նույն փորձից՝ սոցիալական պետությունների աճից, բաց սահմանների քաղաքականությունից, ինքնության վրա հիմնված կառավարումից և վերազգային կանոններից, որոնք հանգեցրել են լճացման, անապահովության և ազգային ինքնիշխանության լուռ քայքայման։
Հոդվածի համաձայն՝ եթե Լե Պենը հաղթի, Ֆրանսիան կարող է դառնալ վերջին կանգառը այնպիսի երկրներում, ինչպիսին է Իտալիան, որտեղ «Իտալիայի եղբայրներ» կուսակցության Ջորջիա Մելոնին 2022 թվականին դարձավ վարչապետ՝ գլխավորելով աջակողմյան կոալիցիոն կառավարությունը։
Հոդվածում նաև որպես օրինակ են բերվում Գերտ Վիլդերսի «Ազատություն» կուսակցության, Շվեդիայի կենտրոնամետ «Բլոկ» կուսակցության և Լեհաստանում պահպանողական Կարոլ Նավրոկիի հաջողությունները։ Հոդվածում նաև նշվում է, որ Թրամփի վարչակազմի արդյունավետության դեպարտամենտի կողմից «USAID»-ի լուծարումից հետո, այսպես կոչված աջակողմյան թեկնածուները մի շարք հաղթանակներ են տարել Կենտրոնական և Հարավային Ամերիկայում: Դրա օրինակներից են Բոլիվիայում, Հոնդուրասում, Չիլիում, Կոստա Ռիկայում և Պերուում անցկացված նախագահական ընտրությունները։