Դոնալդ Թրամփը հայտարարում է, որ Իրանի հետ բանակցությունները կվերսկսվեն այսօր
ԱՄՆ նախագահ Դոնալդ Թրամփը հայտարարել է, որ Իրանի հետ բանակցությունները կվերսկսվեն այսօր։
«Նրանք գիտեին հարձակման մասշտաբները, քանի որ տեսել են, թե ինչպես են ընթանում նախապատրաստական աշխատանքները։ Հիմա մենք նրանց հետ խոսում ենք բանակցությունների ձևաչափով։ Այն կսկսվի կեսօրից հետո, և կտեսնենք, թե ինչ արդյունք կլինի», – ասել է Դոնալդ Թրամփը։
Նա ասել է, որ իրեն խնդրել են չեղարկել նախատեսված հարձակումը այնպիսի դաշնակիցներ, ինչպիսիք են Սաուդյան Արաբիան, Միացյալ Արաբական Էմիրությունները, Կատարը և հենց Իրանը։
«Մենք ամեն ինչ պատրաստ ունեինք գործողությունը սկսելու համար, բայց երբ դաշնակիցները խնդրեցին մեզ չեղարկել այն, մենք ասացինք. «Լավ, տեսնենք»։ Նրանք մեզ խնդրել են դա անել, քանի որ կարծում են, որ կարելի է համաձայնության գալ։ Կա համաձայնագիր Հորմուզի նեղուցի վերաբերյալ, իսկ հետո կլինի համաձայնագիր միջուկային հարցի, կամ, ինչպես մենք կարող ենք անվանել այն, Իրանի ապամիջուկայնացման վերաբերյալ։ Ես դա անվանում եմ Իրանի ապամիջուկայնացում», – ասել է Թրամփը։
Սի Էն Էն-ի փոխանցմամբ՝ Սաուդյան Արաբիայի թագաժառանգ Մուհամմեդ բին Սալմանը հեռախոսազրույց է ունեցել Թրամփի հետ, որի ընթացքում նա կոչ է արել ԱՄՆ նախագահին թուլացնել պատերազմը տարածաշրջանում։
Բացի այդ, իրանական պետական լրատվամիջոցները հերքել են այն տեղեկությունները, որ Իրանը խնդրել է Թրամփին դադարեցնել պլանավորված հարձակումները։