ԱՄՆ նախագահ Դոնալդ Թրամփը հայտարարել է, որ չի խոչընդոտի Կուբա նավթի մատակարարումը, այդ թվում՝ Ռուսաստանից։

«Պուտինը շատ բան չի կորցնում սրանով, միայն մեկ նավթատար, այդքանը։ Ամեն ինչ նորմալ է, եթե նա ուզում է դա անել, իսկ եթե այլ երկրներ էլ ուզում են դա անել, ինձ համար իրականում կարևոր չէ։ Դա որևէ ազդեցություն չի ունենա», – ասել է ԱՄՆ նախագահը։

Բացի այդ, Դոնալդ Թրամփը քննադատել է Կուբայի կառավարությանը և ասել, որ երկրի ռեժիմը կընկնի։

«Կուբան ավարտված է։ Նրանք ունեն վատ ռեժիմ, շատ վատ և կոռումպացված ղեկավարություն։ Անկախ նրանից, թե նրանք թույլ կտան մեկ նավթատար մտնել, թե ոչ, դա կարևոր չէ։ Ես կնախընտրեի նրանց թողնել ներս՝ լինի դա Ռուսաստանը, թե որևէ մեկը, քանի որ ժողովուրդը կարիք ունի ջերմության և սառեցման», – ասել է Դոնալդ Թրամփը։