Դոնալդ Թրամփը հայտարարում է, որ Ալյասկայում սկսվել է երկրի պատմության մեջ ամենամեծ էներգետիկ նախագիծը՝ Ալյասկայի հեղուկացված բնական գազի նախագիծը։

ԱՄՆ նախագահ Դոնալդ Թրամփը հայտարարել է, որ Ալյասկայում սկսվել է երկրի պատմության մեջ ամենամեծ էներգետիկ ենթակառուցվածքային նախագիծը՝ Ալյասկայի հեղուկացված բնական գազի նախագիծը։ Այս մասին Թրամփը գրել է սոցիալական ցանցերում։

Նա ասել է, որ Կորեայի Հանրապետության կողմից ենթակառուցվածքային ոլորտում 50 միլիարդ դոլարի ներդրումը Թրամփի մասնակցությամբ կնքված առևտրային և ներդրումային համաձայնագրի մի մասն է։

«Ես այսօր նաև հայտարարում եմ, որ իմ առևտրի նախարար Հովարդ Լուտնիկը Թայվանից ապահովել է Ալյասկայի հեղուկացված բնական գազի նախագծի համար 70-80 միլիարդ դոլարի արտադրանք գնելու պարտավորություն։ Սա խողովակաշարի հզորության 30 տոկոսն է հաջորդ 20 տարիների ընթացքում։ Սա պատմության մեջ ամենամեծ ապրանքի գնման համաձայնագիրն է։ Բացի այդ, Թայվանը համաձայնել է նախագծում ներդնել 4.4 միլիարդ դոլարի բաժնեմաս, քանի որ այս նախագիծն այժմ ԱՄՆ դաշնային կառավարության նախագիծ է։ Բոլոր անհրաժեշտ թույլտվությունները ստացվել են և բոլոր անհրաժեշտ լիազորությունները տրվել են. նախագիծը պատրաստ է իրականացման», – գրել է Թրամփը։

Նա նաև ասել է, որ սա Ալյասկայի պատմության մեջ ամենամեծ նախագիծն է, և նման բան տեղի է ունենում միայն Սպիտակ տանը նրա պաշտոնավարման ընթացքում։