Դոնալդ Թրամփը հայտարարել է, որ կհանդիպի Հյուսիսային Կորեայի առաջնորդ Կիմ Չեն Ընի հետ, եթե ցանկանա.«Ես պատրաստ եմ դա անել, ես նրա հետ հրաշալի հարաբերություններ եմ ունեցել»
ԱՄՆ նախագահ Դոնալդ Թրամփը հայտարարել է, որ պատրաստ է հանդիպել Հյուսիսային Կորեայի առաջնորդ Կիմ Չեն Ինի հետ։ Այս մասին Թրամփը հայտնել է լրագրողների հետ զրույցում։
Թրամփի խոսքով, եթե Կիմ Չեն Ինը ցանկանա, ինքը պատրաստ է հանդիպել նրան Ասիա կատարելիք այցի շրջանակում։
«Ես կհամաձայնեի։ Եթե ցանկանում եք այդ տեղեկությունը տարածել, ես պատրաստ եմ։ Ինձ մոտ բացառիկ հարաբերություններ են եղել նրա հետ», – նշել է Թրամփը։
Նա նաև անդրադարձել է Հյուսիսային Կորեայի պահանջին, որ ԱՄՆ-ի հետ երկխոսության նախապայմանը իրենց՝ որպես միջուկային տերություն, ճանաչումն է։
«Երբ ասում են, որ ցանկանում են, որպեսզի իրենց միջուկային տերություն ճանաչեն՝ նրանց մոտ շատ միջուկային զենք կա։ Ես դա կհայտնեմ», – ասել է Թրամփը։
Հիշեցնենք, որ Դոնալդ Թրամփը նախագահության իր առաջին ժամկետի ընթացքում երեք անգամ հանդիպել է Հյուսիսային Կորեայի առաջնորդ Կիմ Չեն Ինի հետ։