Դոնալդ Թրամփը հայտարարել է, որ կանի ամեն ինչ, որպեսզի երկրում «ջերմաստիճանը իջեցնի» Հետաքննությունների դաշնային բյուրոյի կողմից իր տանը խուզարկությունից հետո
ԱՄՆ նախկին նախագահ Դոնալդ Թրամփը հայտարարել է, որ կանի ամեն ինչ, որպեսզի երկրում «ջերմաստիճանը իջեցնի» Հետաքննությունների դաշնային բյուրոյի կողմից իր տանը խուզարկությունից հետո։
«Երկիրը շատ ծանր վիճակում է: Կա մի մեծ վտանգ, ինչպիսին մենք նախկինում չենք տեսել։ Երբեք չի եղել, որ իրավապահ մարմինները ներխուժեն ԱՄՆ նախկին նախագահի տուն, և դա է պատճառը, որ երկրում այնքան մեծ զայրույթ կա, ինչպես երբեք», – ասել է Թրամփը:
Թրամփն ասել է, որ ամեն ինչ կանի «երկրին օգնելու համար»։
ԱՄՆ նախկին նախագահը խոսել է նաև իր տունը խուզարկելու գործընթացի մասին։
Հիշեցնենք, որ Հետաքննությունների դաշնային բյուրոյի աշխատակիցները Արդարադատության դեպարտամենտի և դատարանի որոշմամբ խուզարկել են ԱՄՆ նախկին նախագահի տունը։ Օրդերում ասվում է, որ իրավապահները Թրամփի տնից առգրավել են «հույժ գաղտնի» փաստաթղթերի 11 թղթապանակ:
Թրամփը մեղադրվում է լրտեսության մասին օրենքը խախտելու մեջ, որը նախատեսում է հինգ տարվա ազատազրկում։