ԱՄՆ նախագահ Դոնալդ Թրամփը հայտարարել է, որ շատ հաջող բանակցություններ են անցկացվել Գազայի հատվածում պատերազմը դադարեցնելու և պատանդներին ազատ արձակելու համար։

Այս շաբաթավերջին շատ դրական բանակցություններ են անցկացվել Համասի և աշխարհի տարբեր երկրների (արաբների, մուսուլմանների և բոլորի) հետ՝ պատանդներին ազատ արձակելու, Գազայի պատերազմը դադարեցնելու և, ամենակարևորը, Մերձավոր Արևելքում խաղաղություն հաստատելու համար։ Այս բանակցությունները շատ հաջող են և արագ ընթանում են», – գրել է Թրամփը սոցիալական ցանցերում։

Նա նաև ասել է, որ այսօր տեխնիկական խմբերը կրկին կհանդիպեն Եգիպտոսում՝ վերջնական մանրամասները պարզաբանելու և քննարկելու համար։

«Ինձ ասել են, որ առաջին փուլը պետք է ավարտվի այս շաբաթ, և ես խնդրում եմ բոլորին արագ գործել։ Ես կշարունակեմ հետևել այս դարավոր «հակամարտությանը»։ Ժամանակը կարևոր է, հակառակ դեպքում կլինի զանգվածային արյունահեղություն՝ մի բան, որը ոչ ոք չի ուզում տեսնել», – ասել է Թրամփը։