ԱՄՆ նախագահ Դոնալդ Թրամփի հայտարարությամբ՝ նա երկու շաբաթվա ընթացքում կորոշի՝ ներմուծել Ռուսաստանի դեմ պատժամիջոցներ, թե ընդհանրապես ոչինչ չանելու։

ԱՄՆ նախագահը, որը Օվալաձև կաբինետում պատասխանել է լրագրողների հարցերին, կրկին արտահայտել է իր դիրքորոշումը Ռուսաստանի և Ուկրաինայի պատերազմի դադարեցման փորձերի վերաբերյալ։

Նրա խոսքերով՝ ինքը ոչ մի առումով գոհ չէ խաղաղ գործընթացից։

Մասնավորապես, Թրամփի խոսքով՝ ինքը դեռ չի կարողացել համոզել Ռուսաստանի նախագահ Վլադիմիր Պուտինին հանդիպել Վլոդիմիր Զելենսկու հետ։

«Այստեղ սարսափելի շատ ատելություն կա, բայց տեսնենք՝ ինչ կլինի։ Կարծում եմ՝ երկու շաբաթվա ընթացքում կիմանանք, թե որ ճանապարհը կընտրենք», – հայտարարել է Թրամփը։

Թրամփը նաև նշել է, որ երկու շաբաթում որոշում կընդունի՝ «կամ սահմանել զանգվածային պատժամիջոցներ, կամ ընդհանրապես ոչինչ չանել»։